Stay Chapter 4

Stay

Shameless plug…  kindly visit my blog http://roxygirl5.wordpress.com

Love to read your thoughts🙂

Chapter 4

Nang matapos ang tanghalian ay agad bumalik ng kuwarto si Maya.  Gustong-gusto na niyang makalayo kay Richard dahil hiyang-hiya na siya dito.  Hindi na nito magawa ang gusto nito.  Ni ang simpleng pakikipag-date sa girlfriend na si Celeste ay hindi na rin nito magawa.  Lahat ng ito ay dahil sa kanya.

Kaninang umaga ay tahimik silang umuwi ng bahay ni Richard.  Hindi nagkikibuan habang nasa sasakyan ng huli.

Matapos ang nangyari sa kanila ng nakaraang gabi ay hindi na nya alam kung ano ang gagawin niya, kung ano ang sasabihin niya.   Parang wala na siyang mukhang ihaharap dito lalong-lalo na sa girlfriend nitong si Celeste.  Ano na lang ang sasabihin nito na pagkatapos niyang hiramin ang boyfriend nito at pakasalan ay nagawa pa niyang akitin.  Yes she seduced him, siya naman talaga ang nagsimula ng lahat.  Kung hindi niya ito hinalikan ay hindi naman siya nito gagalawin.  Maraming oportunidad para pigilan niya ang pangyayari pero alam niya sa sarili niya na gusto niya, gustong-gusto niya.

Maliit pa lang siya ay crush na crush na niya ang kanyang Kuya Richard kahit sabihin pang pitong taon ang pagitan ng kanilang mga idad.  Kapitbahay nila ito before sa Cebu at dahil sa nag-iisang anak lang ito  madalas ay nasa bahay nila ito para makipaglaro o kaya naman ay alagaan silang magkapatid.

Sino ba naman ang hindi magkaka-crush dito bukod sa guwapo na ay napakatalino pa, madalas ay ito ang nagtuturo sa kanya kapag nahihirapan siya sa Math.  Ito rin ang naging tagapagtanggol niya kapag pinaiiyak siya ng mga kaklase niya dahil madalas ay tinutukso siyang patpatin at atis dahil sa dami ng pimples niya.

Aaminin niya na umiyak siya ng magpa-alam ito para manirahan na sa Manila.  Nakatapos ng Engineering si Richard at kahit sabihin pang mayaman ang angkan nito sa Cebu ay mas pinili nitong mamasukan muna sa ibang kumpanya to gain some experience at ngayon nga ay may sarili na itong kumpanya, ang Lim Aviation Services.

Noong una ay nakakauwi pa ito sa Cebu ngunit ng lumaon ay unti-unting naging madalang ang pag-uwi nito.  Ayon sa mama nito ay naging busy si Richard sa pagpapalago ng sarili nitong kumpanya.

Madalas ay nakakatanggap siya ng cards mula rito lalo na kapag may okasyon tulad ng kanyang birthday.  Lahat ng iyon ay sikretong nakatago sa kanyang tokador.

Kay Richard niya hinulma ang imahe ng kanyang ideal man.  Kaya naman ng magdalaga na siya at kahit naging marami ang kanyang manliligaw ay hindi siya nag-boboyfriend hanggang sa dumating sa buhay niya si Bart Ramirez.  Kapwa- FA niya ito sa Time Airways.  Matalino, guwapo at isa sa pinakamasugid niyang manliligaw ang huli.

“Girl aminin mo nga, tomboy ka ba?” si Emman, isa sa pinamatalik niyang kaibigan.

“Ha, hindi no!  Bakit mo naman naitanong yan?” si Maya.

“E kasi naman girl marami namang nanliligaw sa iyo tapos ni isa wala kang sinasagot.  Lalo na iyang si Bart, perfect!  Kung ako ang liligawan niyan naku bukas kasal na kami.”

Natawa si Maya.  Naaaliw talaga siya kay Emman kasi alam niyang crush na crush nito si Bart.

“Ikaw talaga.  Alam mo naman ang reason kung bakit diba.”

“Sino yung Kuya Richard mo na naman na ten years mo ng hindi nakikita.  Girl magmove-on ka na puwede ba.  Baka nga mamaya may asawa na yan hindi ka lang naimbita sa kasal.”

Kahit sabihin pang biro lang ang sinabi ni Emman, deep-inside ay nasasaktan siyang isiping baka nga may asawa na si Richard o kung hindi naman ay girlfriend.  Ang totoo, ang mga cards na natatanggap niya noon ay nawala na rin.  Nakalimutan na nga siguro siya nito.

“H-hindi naman sa ganun, gusto ko lang mag-focus sa pagiging FA ko alam mo na gusto kong maging International FA.  Isa pa alam mo naman si Papa masyadong conservative.”

“Girl hindi ka na teenager.   My God 23 years old ka na.  Maiintindihan naman siguro ng papa mo kung mag-boboyfriend ka na.  Isa pa give yourself a chance, masyado mo kasing inilagay sa pedestal ang Kuya Richard mo kaya wala ka ng nakitang maganda sa ibang lalaki.  Give Bart a chance.”

And she did, sinagot niya si Bart at naging mag-boyfriend sila hanggang mangyari ang gabing dalhin siya nito sa isang motel.

Naging isang malaking iskandalo ang nangyari lalo na ng makita pa pala sila ng kanyang Tita Amanda na lumalabas ng motel ni Bart.  Kahit anong paliwanag niya ay ayaw siyang pakinggan ng kanyang ama.  Kilala ang kanilang pamilya sa pagiging konserbatibo at hindi matanggap ng Papa niya na ang nag-iisang anak na babae nito ay naging isang pakawala.

Pinuntahan niya si Bart upang humingi ng tulong to explain to her father na walang nangyari sa kanila pero ng puntahan niya ito sa condominium nito kasama si Emman ay wala na ito.  Bigla itong naglaho na parang bula.

Mula noon ay naging malamig na ang pakikisama ng kanyang ama sa kanya.

“Mapapatawad lang kita kung makakasal ka.”  Iyun ang mga salitang narinig niya sa kanyang ama ng minsan ay subukan niya ulit itong kausapin.

Napapikit si Maya, parang sumakit na naman ang ulo niya ng maalala niya ang mga nangyari.

Nakarinig siya ng mahinang katok sa kanyang pintuan. Binuksan niya ito at nagulat siya ng makitang si Richard ang kumakatok.

“I-I’m sorry.  Gusto ko lang malaman mo na we need to pick up Celeste at 7.”

“H-ha ah e h-hindi na lang ako sasama.  Ako ng bahala kay Tita.  Go ahead with your date with Celeste.  Matagal na rin naman kayong di nakakalabas na kayo lang.”

“Are you sure?” nakakunot ang noong tanong ni Richard.

“O-o naman.  S-sige na, ako ng bahala kay Tita.” Ulit ni Maya.

“Okay.” Ang walang ganang sabi ni Richard.

Agad na sinara ni Maya ang pintuan.  Nagseselos siya, selos na selos siya.

**************

Bumalik si Richard sa kanyang kuwarto.  Gusto man niyang gibain ang pinto ng isara niya ito pero hindi niya puwedeng gawin dahil maririnig ng kanyang ina at magtataka ito.

Pasalampak siyang humiga sa kama niya.  He closed his eyes and put one of his arms on his forehead.

“Ano ba itong pinasok mo Richard?”  tanong niya sa kanyang sarili.

to be continued…

-roxygirl5-

11 thoughts on “Stay Chapter 4

Whatcha think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s